Sozietate publiko honen ezaugarrietako bat da beste erakunde batzuei etengabe laguntzeko bokazioa duela, eta ingurumen-politikaren arloan lankidetzan aritzeko dinamika horrek onura egiten dio Euskadiko gizarte osoari.
Ihobe lankidetza estuan aritzen da hurrengo erakunde hauekin:
Ingurumen Informazioaren Kazetarien Elkartearekin (APIA) lankidetza-hitzarmena daukagu, eta horren ondorioz sortu zen, besteak beste, Ingurumen-Komunikazioaren Eskola, UPV/EHU Euskal Herriko Unibertsitatearen Udako Ikastaroen testuinguruan, bi kezka nagusiri erantzuna emateko asmoz: komunikazioari eta ingurumenari.
2021eko irailaren 8an eta 9an egin zen Ingurumen-Komunikazio Eskolaren hirugarren edizioaren gai nagusia izan zen trantsizio energetikoa eta klimatikoa, ingurumena kontuan izan dadin eraldaketa sozial eta ekonomikoa nagusi den garaiotan.
Euskal Kazetarien Elkartearekin eta Elkargoarekin lankidetzan, 2019. urtetik Euskadiko Ingurumen Kazetaritzako Saria ematen dugu, informazioaren arloan diharduten profesionalen lana aitortzeko; hau da, garapen jasangarriaren edota klima-aldaketaren ondorioen berri emateko edota natura-ingurunearen kontserbazioa bultzatzeko egiten duten lanaren garrantzia azpimarratzeko.
2021eko sariduna Eva Caballero izan da, kazetaria eta Radio Euskadiko «La Mecánica del Caracol» irratsaioko zuzendaria, ibilbide luzea izateagatik eta gaiak zehaztasunez eta seriotasunez lantzeagatik.
